ⴰⵙⵙⵓⴳⵏ ⵏ ⵜⵎⴷⵉⵏⵜ

ⵜⵜⵓⵙⵙⵏ ⵜⵎⴷⵉⵏⵜ ⵣⵉⴽ ⵙ ⵢⵉⵙⵎ ⵏ « ⵃⵍⴰⵍⴰ », ⵢⴰⵜ ⵜⵙⴳⴳⵉⵡⵜ ⵙ ⵉⵊⴷⴷⵉⴳⵏ ⵉⵡⵔⴰⵖⵏ ⵉⵍⵍⴰⵏ ⵜⵙⵜⵔ ⴰⵎⵇⵇⵔⴰⵏ ⵏ ⵜⵎⵓⵔⵜ ⵏⵏⵙ ⵇⴱⵍ ⴰⴷ ⵜⵜⵓⴱⵏⵓ. ⵜⵜⵓⵙⵏⵓⵍⴼⴰ ⵍⵇⵏⵉⵟⵔⴰ ⵙ ⵓⵣⵎⵣ ⵏ 120 ⵏ ⵓⵙⴳⴳⵯⴰⵙ, ⵜⵏⵏⵓⵔⵏⵉ ⵙ ⵓⴱⵏⴰ ⵏ ⵜⵎⴰⵔⵙⴰ ⵅⴼ ⵜⵉⵎⵔⵉⵡⵉⵏ ⵏ ⵙⴱⵓ ⵙⴳ ⵓⵎⵙⵏⵜⵉ ⴰⵎⴰⵜⴰⵢ ⴰⴼⵔⴰⵏⵙⵉⵙ « ⵍⵢⵓⵟⵉ » ⴳ ⵜⵉⵣⵉ ⵏ ⵜⵃⵎⴰⵢⵜ. ⵎⴰⵛⴰ ⴰⵎⵣⵔⵓⵢ ⵏ ⵓⵎⴽⴰⵏ ⴰⴷ ⵢⵓⴳⴳⵓⴳ ⵓⴳⴳⴰⵔ : ⵜⵉⴳⵎⵎⵉ ⵏ ⵎⵀⴷⵉⵢⴰ, ⵉⵜⵜⵓⴱⵏⴰⵏ ⴳ ⵜⵉⵙⵜ ⵏ ⵙⴹⵉⵚ ⵇⴱⵍ ⵜⵍⴰⵍⵉⵜ ⵙⴳ « ⵃⴰⵏⵓⵏ ⴰⵇⴰⵔⵟⴰⵊⵉ » ⴳ ⵜⵉⵎⵍⵍⵉⵜ ⵏ ⵙⴱⵓ ⵅⴼ ⵓⴳⴰⵔⴰⵡ ⴰⵟⵍⴰⵏⵟⵉ, ⵖⵔ 12 ⵏ ⵉⴽⵉⵍⵓⵎⵉⵜⵔⵏ ⵙⴳ ⵍⵇⵏⵉⵟⵔⴰ, ⵜⵜⵓⴱⵏⴰ ⵅⴼ ⵢⴰⵜ ⵜⴰⵖⵓⵍⵜ ⵏ ⵉⵥⵕⵉ ⴷ ⵉⵖⵔⴱⴰⵏ ⵏⵏⵙ ⴰⵔ ⴷ ⵜⵜⴱⴰⵢⴰⵏⵏ ⴰⵔ ⵖⵉⵍⴰ.

ⵜⴳⴰ ⵍⵇⵏⵉⵟⵔⴰ ⴷⴰⵖ ⵢⴰⵏ ⵓⵎⵙⵍⵍⵉⵍ ⴰⵙⵍⵖⵓⵏ ⵏ ⵓⵎⵙⵙⴰⵙⴰ ⴰⵎⵇⵇⵔⴰⵏ ⴰⵙⵉⵏⴰⵡⴰⵏ, ⴰⵏⴰⵡⴰⵢ ⴷ ⴰⵎⴷⴷⴰⴷⵏ ⴳ ⵍⵎⵖⵔⵉⴱ : ⴰⵎⵙⵙⴰⵙⴰ ⵍⵇⵏⵉⵟⵔⴰ – ⵍⵊⴷⵉⴷⴰ. ⵙ ⵓⴷⵖⴰⵔ ⴰⴷ, ⵜⵙⵙⵏⵖⵎⵓⵙ ⵜⵎⴷⵉⵏⵜ ⴱⴷⴷⴰ ⵉⵎⵔⵣⴰⵢⵏ ⴷ ⵉⵏⵍⵎⴰⴷⵏ ⵏ ⵜⵙⴷⴰⵡⵉⵢⵉⵏ ⴷ ⵜⵉⵎⵙⵔⵉⵡⵉⵏ ⵜⵉⵎⵇⵇⵔⴰⵏⵉⵏ, ⵍⵍⵉ ⵜⵜ ⵢⵓⵙⵉⵏ ⴳ ⵓⵏⴳⵓⵜ ⵏ ⵉⵙⵓⵔⴰⴼ ⵉⵎⵓⵙⵙⵏⴰⵏ ⴳ ⴽⵓ ⵉⴳⵔⴰ ⵏ ⵜⵓⴷⵔⵜ ⵜⴰⴷⴰⵎⵙⴰⵏⵜ, ⵜⴰⵏⴰⵎⵓⵏⵜ, ⵜⴰⴷⵍⵙⴰⵏⵜ ⴷ ⵜⴰⴷⵎⵓⴳⵔⴰⴼⵉⵜ.