ⵜⴰⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴱⴰⴹⵉⵏ

ⵜⴰⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴱⴰⴹⵉⵏ ⵜⵙⵙⵓⴷⵓ ⵜⵉⵏⴰⴱⴰⴹⵉⵏ ⴰⴷ :

1. ⴰⵏⴰⵔⵓ ⵏ ⵓⵙⵎⵓⵜⵜⴳ (ⴰⵏⴰⵔⵓ ⵏ ⵓⵏⴹⴰⴱ)
2. ⵜⴰⵏⴰⴱⴰⴹⵜ ⵏ ⵉⵙⴷⵍⵉⵙⵏ
3. ⵜⴰⵏⴰⴱⴰⴹⵜ ⵏ ⵓⵙⵎⵙⴰⵙⴰ ⴷ ⵓⴹⴼⴰⵕ
4. ⵜⴰⵏⴰⴱⴰⴹⵜ ⵏ ⵜⵖⵓⵔⵉ (ⵜⵉⵙⴽⵡⵉⵍⵉⵏ)
5. ⵜⴰⵏⴰⴱⴰⴹⵜ ⵏ ⵓⵙⵡⵓⴷⴷⵓ ⵏ ⵜⵎⵙⴰⵍ ⵏ ⵓⵙⵇⵇⵉⵎ

ⵜⵉⵡⵓⵔⵉⵡⵉⵏ ⵏ ⵜⵏⴰⴱⴰⴹⵉⵏ ⴰⴷ ⴳⴰⵏⵜ ⴰⴷ :

ⴰⵏⴰⵔⵓ ⵏ ⵓⵙⵎⵓⵜⵜⴳ

ⵜⴰⵏⴰⴱⴰⴹⵜ ⴰⴷ ⵜⵜⵓⵙⵎⵓⵔⵙ ⵙ :

• ⵜⵓⵟⵟⴼⴰ ⵏ ⴰⴽⴽⵯ ⵉⵙⵎⵉⵍⵏ ⵏ ⵜⴱⵔⴰⵜⵉⵏ ⵉⴽⵛⵎⵏ ⴷ ⵜⵉⵏ ⵉⴼⴼⵖⵏ ;
• ⴰⵙⵎⵉⵍ ⵏ ⵜⴱⵔⴰⵜⵉⵏ ⵍⵍⵉ ⴷ ⵢⵓⵡⵙⵏ ⵜⴰⵊⵎⴰⵄⵜ ⴷ ⵓⵣⵏ ⵏⵏⵙⵏⵜ ⵉ ⵜⵏⴰⴱⴰⴹⵉⵏ ⵜⵉⵎⵥⵍⴰⵢⵉⵏ ;
• ⴰⵙⵎⵉⵍ ⴷ ⵓⵙⴷⵍⵙ ⵏ ⴰⴽⴽⵯ ⵜⵉⴱⵔⴰⵜⵉⵏ, ⵜⵉⵏ ⵉⴽⵛⵎⵏ ⵏⵖ ⵉⴼⴼⵖⵏ ;
• ⴰⵙⵎⵉⵍ ⴷ ⵓⵙⵡⵉⵍⵙ ⵏ ⵜⴱⵔⴰⵜⵉⵏ ⵉⴼⴼⵖⵏ ⵙⴳ ⵜⵏⴰⴱⴰⴹⵉⵏ ⵜⵉⵊⵎⴰⵄⵉⵏ ⴷ ⵜⵎⵙⵙⵓⴷⵙⵉⵏ ⵜⵉⵙⵡⵓⴷⴷⴰⵙⵉⵏ ;
• ⴰⵟⵟⴰⴼ ⵏ ⵜⴱⵔⴰⵜⵉⵏ ⵏ ⵜⵏⴰⴱⴰⴹⵉⵏ ⵜⵉⵏⴱⵔⴰⵏⵉⵏ ⴷ ⵓⴱⵟⵟⵓ ⵏⵏⵙⵏⵜ ⵅⴼ ⵜⵎⵙⵙⵓⴷⵙⵉⵏ ⴹⴰⵕⵜ ⵏ ⵓⵙⵎⴷⵢⵏ ⵏ ⵓⵎⵀⵍⴰ ⴰⵎⴰⵜⴰⵢ ;
• ⴰⴱⵟⵟⵓ ⵏ ⵜⴱⵔⴰⵜⵉⵏ ⵍⵍⵉ ⵜⴰⵣⵏ ⵜⴰⵊⵎⴰⵄⵜ ⵏ ⵍⵇⵏⵉⵟⵔⴰ ⵙ ⵓⵏⵎⵍⴰ.

ⵜⴰⵏⴰⴱⴰⴹⵜ ⵏ ⵉⵙⴷⵍⵉⵙⵏ

ⵜⴰⵏⴰⴱⴰⴹⵜ ⴰⴷ ⵜⵜⵓⵙⵎⵓⵔⵙ ⵙ :

• ⴰⵙⵎⵓⵜⵜⴳ, ⴰⵙⴷⵍⵙ ⴷ ⵓⵃⵟⵟⵓ ⵏ ⵜⵉⵔⵔⴰ ⵏ ⵓⵙⵡⵓⴷⴷⵓ ⴰⴷⵖⵔⴰⵏ ⵃⵎⴰ ⴰⴷ ⵜⵜⵓⵙⵎⵙⴰⵙⴰⵏⵜ ⴷ ⴰⴷ ⵜⵜⵓⴼⴽⴰⵏⵜ ⵉ ⵉⵎⵣⴷⴰⵖ, ⵉⵎⵙⵡⵓⵔⵉⵜⵏ ⴷ ⵉⵏⵎⵀⴰⵍⵏ ⵏ ⵜⵏⴰⴱⴰⴹⵉⵏ ;
• ⴰⵃⵟⵟⵓ ⵏ ⵜⵉⴳⵜⴰⵡⵉⵏ ⴷ ⵉⵙⵖⵜⵉⵙⵏ ⵉⵏⵎⵍⴰⵏⵏ ⵏ ⵜⵊⵎⴰⵄⵜ ;
• ⴰⵃⵟⵟⵓ ⵏ ⵜⵉⵎⵙⴰⵙⴰⵜⵉⵏ ⵍⵍⵉ ⵜⵥⵎⵎⴰ ⵜⵊⵎⴰⵄⵜ ;
• ⴰⵃⵟⵟⵓ ⵏ ⵉⴷⵍⵉⵙⵏ ⵏ ⵜⵡⵜⵉⵍⵉⵏ ;
• ⴰⵃⵟⵟⵓ ⵏ ⵉⵙⵓⴷⵙⵏ ⴷ ⵜⴽⴰⵕⴹⵉⵡⵉⵏ ⵏ ⵜⵎⴷⵉⵏⵜ ;
• ⴰⵙⵎⴰⴹ, ⴰⵙⵏⵖⵍ ⴷ ⵓⵙⵏⴼⴰⵔ ⴰⵏⵎⵉⴹⴰⵏ ⵏ ⴰⴽⴽⵯ ⵉⵙⵓⵖⵍⵏ ⵉⵏⵣⵔⴼⴰⵏⵏ ;
• ⴰⵙⵎⴹⴰⵏ, ⴰⵙⵎⵉⵍ ⴷ ⵓⵙⵎⵙⴰⵙⴰ ⵏ ⵉⵙⵓⵖⵍⵏ ⵉⵏⵣⵔⴼⴰⵏⵏ ⴷ ⵉⵏⵎⵍⴰⵏⵏ ;
• ⴰⵃⵟⵟⵓ ⵏ ⵜⵉⵔⵔⴰ ⵏ ⵜⵙⴰⵖⵓⵍⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵎⵙⴰⵙⴰⵜⵉⵏ ⵏ ⵓⴼⵔⴰⴽ ;
• ⴰⵃⵟⵟⵓ ⵏ ⵜⵉⵔⵔⴰ ⵏ ⵓⵙⵏⴼⵍ ⴰⵎⴷⴰⵏ (ⵉⵙⵓⴷⵙⵏ ⵏ ⵓⵙⵡⵓⴷⴷⵓ ⴰⵎⴷⴰⵏ, ⵉⵙⵓⴷⵙⵏ ⵉⴳⵣⵣⵓⵎⵏ ⴷ ⵉⵙⵓⴷⵙⵏ ⵏ ⵓⵙⵓⴷⵙ ⴰⵎⴰⵢⵏⵓ) ;
• ⴰⵃⵟⵟⵓ ⵏ ⵜⵉⵔⵔⴰ ⵏ ⵉⵔⵣⵣⵓⵜⵏ ⴷ ⵜⵖⴰⵔⵉⵡⵉⵏ.

ⵜⴰⵏⴰⴱⴰⴹⵜ ⵏ ⵓⵙⵎⵙⴰⵙⴰ ⴷ ⵓⴹⴼⴰⵕ

ⵙⴷⴷⴰⵡ ⵓⵎⵀⵍⴰ ⴰⵎⴰⵜⴰⵢ ⵏ ⵜⵏⴱⴰⴹⵉⵏ, ⵜⴰⵏⴰⴱⴰⴹⵜ ⴰⴷ ⵜⵜⵓⵙⵎⵓⵔⵙ ⵙ :

• ⴰⵙⵎⵙⴰⵙⴰ ⴷ ⵓⵙⵎⵓⵙⵙⵓ ⴳⵔ ⵜⵙⴳⴰ ⴷ ⵜⵏⴰⴱⴰⴹⵉⵏ ⵜⵉⵊⵎⴰⵄⵉⵏ ;
• ⴰⴹⴼⴰⵕ ⵏ ⵉⵙⵏⴼⴰⵔⵏ ⵏ ⵜⵊⵎⴰⵄⵜ ⴷ ⵓⵙⵎⵓⵏ ⵏ ⵉⵏⵇⵇⵉⵙⵏ ⵏ ⵜⵡⵓⵔⵉ ⵏ ⴽⵓ ⵜⴰⵏⴰⴱⴰⴹⵜ ;
• ⴰⵙⵎⵙⴰⵙⴰ ⴳⵔ ⵜⵏⴰⴱⴰⴹⵉⵏ ⵏ ⵜⵊⵎⴰⵄⵜ ;
• ⴰⵙⵙⵓⴷⵙ ⵏ ⵉⵏⵇⵇⵉⵙⵏ ⵉⵙⴳⴳⵯⴰⵙⵏ ⵅⴼ ⵜⵡⵓⵔⵉ ⵏ ⵜⵊⵎⴰⵄⵜ ;
• ⴰⵟⵟⴰⴼ ⵏ ⵜⵉⵍⵉⴳⵔⴰⵎⵉⵏ ⴷ ⵓⵙⵏⵎⴰⵍ ⵏⵏⵙⵏⵜ ⵙ ⵓⵙⵏⵜⵍ ;
• ⴰⵙⵡⵉⵍⵙ ⴰⵏⵣⵔⴼⴰⵏ ⴰⵎⵣⵡⴰⵔⵓ ⵏ ⵜⵉⴳⵜⴰⵡⵉⵏ ⵏ ⵓⵙⵇⵇⵉⵎ ⴷ ⵜⴰⴷⴱⵍⴰ ;
• ⴰⵡⵙ ⴳ ⵓⵙⵙⵓⴷⵙ ⵏ ⵜⵉⴳⵜⴰⵡⵉⵏ ⵜⵉⵊⵎⴰⵄⵉⵏ ;
• ⴰⵙⵙⵓⴷⵙ ⴷ ⵓⵙⵡⵉⵍⵙ ⵏ ⵜⵡⵓⵔⵉⵡⵉⵏ ⵏ ⵜⴰⴷⴱⵍⴰ ⵜⴰⵎⵙⵙⵓⵎⴰⵏⵜ ;
• ⴰⵙⵎⴷⵢⴰ ⵏ ⵜⵊⵎⴰⵄⵜ ⴳ ⵉⵎⵢⴰⵡⴰⴹⵏ ⵅⴼ ⵜⴰⴷⴱⵍⴰ, ⵙ ⵓⵏⵎⵍⴰ ⵏ ⵓⵎⵖⴰⵔ ⵏⵖ ⵓⵎⵀⵍⴰ ⴰⵎⴰⵜⴰⵢ ;
• ⴰⵙⵙⵓⴷⵙ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵊⵎⴰⵄⵜ ⵙ ⵓⵎⵢⴰⵡⴰⵙ ⴷ ⴰⴽⴽⵯ ⵜⵉⵏⴰⴱⴰⴹⵉⵏ.

ⵜⴰⵏⴰⴱⴰⴹⵜ ⵏ ⵜⵖⵓⵔⵉ

ⵜⴰⵏⴰⴱⴰⴹⵜ ⴰⴷ ⵜⵜⵙⵙⵓⴷⵓ ⵜⵉⵖⵓⵔⵉ ⵏ ⵉⵎⵙⵙⵎⵔⵙⵏ ⴷ ⵉⵎⵣⴷⴰⵖ ⵏ ⵍⵇⵏⵉⵟⵔⴰ, ⵜⵜⵓⵙⵎⵓⵔⵙ ⵙ :

• ⴰⵟⵟⴰⴼ, ⴰⵙⵎⵉⵍ ⴷ ⵓⵣⵏ ⵏ ⵜⵖⵓⵔⵉ ⵖⵔ ⵜⵏⴰⴱⴰⴹⵉⵏ ⵜⵉⵎⵥⵍⴰⵢⵉⵏ ⴷ ⵓⴹⴼⴰⵕ ⵏ ⵓⵙⵙⵓⴷⵓ ⵏⵏⵙⵏⵜ ;
• ⴰⵙⵏⵓⴱⴳ ⵏ ⵉⵎⵙⵖⵓⵔⵏ ⴷ ⵓⵙⵙⵓⴷⵙ ⵏ ⵢⴰⵜ ⵜⴼⵉⵛⵜ ⵉ ⴽⵓ ⵜⵉⵖⵓⵔⵉ ;
• ⴰⵙⵏⵎⴰⵍ ⵏ ⵉⵎⵙⵖⵓⵔⵏ ⵎⴰⵙ ⵉⵇⵇⴰⵏ ;
• ⴰⴹⴼⴰⵕ ⵏ ⵜⵖⵓⵔⵉ ⵙ ⵓⵎⵢⴰⵡⴰⵙ ⴷ ⵜⵏⴰⴱⴰⴹⵉⵏ ⵢⴰⴹⵏⵉⵏ ;
• ⴰⵙⵡⵉⵍⵙ ⵏ ⵜⵡⵡⵓⵔⵜ ⵜⴰⵍⵉⴽⵜⵔⵓⵏⵉⵜ ⵍⵍⵉ ⵢⴰⴽⴽⴰⵏ ⵉ ⵉⵎⵣⴷⴰⵖ ⴰⴷ ⴰⵣⵏⵏ ⵜⵉⵖⵓⵔⵉ ⵏⵏⵙⵏ ⵙ ⵓⵏⵜⵔⵏⵉⵜ ;
• ⴰⵙⵡⵉⵍⵙ ⵏ ⵓⵏⵓⵎⵓⵔ ⴰⵣⴳⵣⴰⵡ ;
• ⴰⵙⵎⵓⵜⵜⴳ ⵏ ⵜⵔⴰⵔⵉⵡⵉⵏ ⵅⴼ ⵜⵖⵓⵔⵉ ⴳ ⵜⵉⵣⵉ ⵉⵎⵙⴰⵙⴰⵏ.

ⵜⴰⵏⴰⴱⴰⴹⵜ ⵏ ⵓⵙⵡⵓⴷⴷⵓ ⵏ ⵜⵎⵙⴰⵍ ⵏ ⵓⵙⵇⵇⵉⵎ

ⵜⴰⵏⴰⴱⴰⴹⵜ ⴰⴷ ⵜⵜⵓⵙⵎⵓⵔⵙ ⵙ :

• ⴰⵡⵙ ⵉ ⵓⵎⴰⵔⵓ ⵏ ⵓⵙⵇⵇⵉⵎ ⴳ ⵓⵙⵙⵓⴷⵙ ⵏ ⵉⵎⵔⵓⵏⵏ ⵏ ⵜⵉⵎⵍⵉⵍⵉⵏ ⴷ ⵜⵎⵙⵙⵓⴷⵙⵉⵏ ;
• ⴰⴹⴼⴰⵕ ⵏ ⵜⵡⵓⵔⵉ ⵏ ⵉⵎⵙⵙⵓⴷⵙⵏ ⵏ ⵓⵙⵇⵇⵉⵎ ;
• ⴰⵙⵙⵓⴷⵙ ⵏ ⵉⵖⴰⵡⴰⵙⵏ ⵏ ⵜⵉⵎⵍⵉⵍⵉⵏ ;
• ⴰⵔⵓ ⵏ ⵉⵎⵔⵓⵏⵏ ⴷ ⵉⵏⵇⵇⵉⵙⵏ ⵏ ⵉⵎⵙⵙⵓⴷⵙⵏ ⵏ ⵓⵙⵇⵇⵉⵎ ;
• ⴰⵃⵟⵟⵓ ⵏ ⵜⵉⵔⵔⴰ ⵏ ⵉⵎⵙⵙⵓⴷⵙⵏ ⵏ ⵓⵙⵇⵇⵉⵎ ;
• ⴰⴹⴼⴰⵕ ⵏ ⵜⵡⵓⵔⵉ ⵏ ⵓⵏⴰⵔⵓ ⴷ ⵜⵎⵙⵙⵓⴷⵙⵉⵏ ⵜⵉⵎⵣⴳⴰⵏⵉⵏ ;
• ⴰⵙⵙⵓⴷⵙ ⵏ ⵜⵉⵎⵍⵉⵍⵉⵏ ⵏ ⵓⵙⵇⵇⵉⵎ ⴷ ⵜⵎⵙⵙⵓⴷⵙⵉⵏ ⵜⵉⵎⵣⴳⴰⵏⵉⵏ ;
• ⴰⵙⵙⵓⴷⵙ ⵏ ⵉⴷⵍⵉⵙⵏ ⴷ ⵜⵉⴳⵜⴰⵡⵉⵏ ⵍⵍⵉ ⵉⵜⵜⵓⵣⵏⵏ ⵉ ⵜⵏⴱⴰⴹⵜ ⵜⴰⵎⵥⵍⴰⵢⵜ ;
• ⴰⴹⴼⴰⵕ ⵏ ⵓⵙⵎⴷⵢⴰ ⵏ ⵜⵉⴳⵜⴰⵡⵉⵏ ⵏ ⵓⵙⵇⵇⵉⵎ ;
• ⴰⵙⵙⵓⴷⵙ ⵏ ⵜⵉⵎⵍⵉⵍⵉⵏ ⵜⵉⵎⴳⵓⵔⴰⵏⵉⵏ ⴷ ⵜⵉⵙⵓⵍⴰⵏⵉⵏ ;
• ⴰⵡⵙ ⵉ ⵉⵏⵎⵀⴰⵍⵏ ⵏ ⵜⵎⵙⵙⵓⴷⵙⵉⵏ ⴳ ⵓⵙⴷⵍⵙ ⵏ ⵉⵏⵇⵇⵉⵙⵏ ⴷ ⵜⵡⵙⵙⵉⵡⵉⵏ ⵏⵏⵙⵏⵜ.