ⵜⴰⵙⴳⴰ ⵏ ⵜⵖⴰⵡⵙⵉⵡⵉⵏ ⵏ ⵜⵊⵎⴰⵄⵜ

ⵜⴰⵙⴳⴰ ⴰⴷ ⵜⵙⵙⵓⴷⵓ :

• ⵜⴰⵏⴰⴱⴰⴹⵜ ⵏ ⵜⵖⴰⵡⵙⵉⵡⵉⵏ ⵜⵓⵙⵍⵉⵏⵉⵏ ⵏ ⵜⵊⵎⴰⵄⵜ
• ⵜⴰⵏⴰⴱⴰⴹⵜ ⵏ ⵜⵖⴰⵡⵙⵉⵡⵉⵏ ⵜⵉⴳⴷⵓⴷⴰⵏⵉⵏ ⵏ ⵜⵊⵎⴰⵄⵜ
• ⵜⴰⵏⴰⴱⴰⴹⵜ ⵏ ⵓⵙⵡⵓⴷⴷⵓ ⵏ ⵉⵎⵔⵙⴰⵍ ⵉⵊⵎⴰⵄⵉⵢⵏ

ⵜⵉⵡⵓⵔⵉⵡⵉⵏ ⵏ ⵜⵙⴳⴰ

ⵜⵙⵡⵓⴷⴷⵓ ⵜⵙⴳⴰ ⵜⵉⵖⴰⵡⵙⵉⵡⵉⵏ ⵜⵓⵙⵍⵉⵏⵉⵏ ⴷ ⵜⵉⴳⴷⵓⴷⴰⵏⵉⵏ ⵏ ⵜⵊⵎⴰⵄⵜ ⵙ ⵓⵏⵎⵍⴰ ⵏ ⵜⵎⵀⵍⵉⵏ ⵜⵉⵙⵡⵓⴷⴷⴰⵙⵉⵏ ⴷ ⵜⵉⵏⵣⵔⴼⴰⵏⵉⵏ ⵏ ⴰⴽⴽⵯ ⵜⵉⵡⵓⵔⵉⵡⵉⵏ ⵏ ⵜⵎⵓⵔⴰ : ⴰⵣⵏⵣⵉ, ⴰⵙⵖⴰ, ⴰⵎⵙⵏⴼⵍ, ⴰⴽⵔⴰⵔⵓ, ⴰⵙⵙⵎⵔⵙ ⴰⴽⵓⴷⴰⵏ ⵏ ⵜⵎⵓⵔⴰ ⵜⵉⴳⴷⵓⴷⴰⵏⵉⵏ, ⴰⵙⵎⵉⵍ ⵏ ⵜⵎⵓⵔⴰ, ⴰⴽⴽⴰⵙ ⵏ ⵜⵎⵓⵔⴰ ⵉ ⵓⵏⴼⵓⵙ ⴰⴳⴷⵓⴷⴰⵏ, ⴰⵙⵓⴼⵖ ⵙⴳ ⵜⵖⴰⵡⵙⵉⵡⵉⵏ ⵜⵉⴳⴷⵓⴷⴰⵏⵉⵏ, ⴰⵙⵓⵜⵜⵓ ⵏ ⵜⵖⴰⵡⵙⵉⵡⵉⵏ ⵜⵉⴳⴷⵓⴷⴰⵏⵉⵏ, ⴷ ⵓⵙⵎⴰⵢⵏⵓ ⵏ ⵉⴱⵔⴷⴰⵏ, ⴷ ⵓⵙⵙⵓⴷⵙ ⵏ ⵜⵉⵔⵔⴰ (ⵜⵉⵎⵙⴰⵙⴰⵜⵉⵏ, ⵜⵉⴳⵜⴰⵡⵉⵏ, ⵉⵎⵔⵓⵏⵏ, ⵉⵙⵓⴷⵙⵏ…).

ⵃⵎⴰ ⴰⴷ ⵜⵜⵓⵃⵟⵟⴰⵏⵜ ⵜⵖⴰⵡⵙⵉⵡⵉⵏ ⵏ ⵜⵊⵎⴰⵄⵜ, ⵜⵙⵙⵓⴷⵓⵙ ⵜⵙⴳⴰ ⴷ ⵜⵙⵎⴰⵢⵏⵓ « ⵉⵙⵎⵉⵍⵏ ⵏ ⵓⵙⵉⴹⵏ ⵏ ⵜⵖⴰⵡⵙⵉⵡⵉⵏ ⵏ ⵜⵊⵎⴰⵄⵜ », ⵜⵓⵙⵍⵉⵏⵉⵏ ⴷ ⵜⵉⴳⴷⵓⴷⴰⵏⵉⵏ. ⴳⵉⵙⵏ ⴰⴽⴽⵯ ⵉⵏⵖⵎⵉⵙⵏ ⵏ ⴽⵓ ⵜⴰⵖⴰⵡⵙⴰ (ⴱⵓ ⵜⵖⴰⵡⵙⴰ, ⴰⵥⵓⵕ ⵏⵏⵙ, ⴰⵏⴰⵡ, ⵜⴰⵙⵡⵉⵜ, ⴰⴷⴷⴰⴷ ⵏ ⵜⵎⵓⵔⵜ) ⴷ ⴰⴽⴽⵯ ⵜⵉⴳⴰⵡⵉⵏ ⵜⵉⵏⵣⵔⴼⴰⵏⵉⵏ (ⴰⴽⵔⴰⵔⵓ, ⴰⵣⵏⵣⵉ, ⴰⵙⵖⴰ, ⴰⵙⵙⵎⵔⵙ, ⴰⵎⵙⵏⴼⵍ…). ⵜⵜⵓⵣⵏⵏ ⵙⵉⵏ ⵏ ⵉⵙⵎⵉⵍⵏ ⴰⴷ ⵙⵉⵏ ⵜⵉⴽⴽⴰⵍ ⴳ ⵓⵙⴳⴳⵯⴰⵙ ⵉ ⵜⵏⴱⴰⴹⵜ ⵏ ⵓⵙⵡⵉⵍⵙ ⵃⵎⴰ ⴰⴷ ⵜⵏ ⵜⵙⴷⵢⵏ.

ⵜⵙⵙⵓⴷⵓⵙ ⴷⴰⵖ ⵜⵙⴳⴰ ⴰⵖⴰⵡⴰⵙ ⴰⵙⴳⴳⵯⴰⵙ ⵏ ⵜⵡⵓⵔⵉⵡⵉⵏ ⵏ ⵜⵎⵓⵔⴰ :

1. ⴰⵙⵙⵉⵡⴹ ⵏ ⵜⵙⵡⵉⵜ ⵏ ⵜⵖⴰⵡⵙⵉⵡⵉⵏ ;
2. ⵜⵉⵙⵔⴰⴳ ⵏ ⵉⴷⵍⵉⵙⵏ ⵉⵜⵉⵇⵏⵉⵢⵏ ⴷ ⵜⵡⵓⵔⵉⵡⵉⵏ ⵜⵉⵜⵓⴱⵓⴳⵔⴰⴼⵉⵢⵉⵏ ;
3. ⵜⵉⵙⵔⴰⴳ ⵏ ⵓⵙⵎⵉⵍ ⵏ ⵜⵎⵓⵔⴰ ;
4. ⵜⵉⵙⵔⴰⴳ ⵏ ⵉⵎⴰⵔⵓⵜⵏ ⵏ ⵜⵎⵙⴰⵙⴰⵜⵉⵏ ;
5. ⵜⵉⵙⵔⴰⴳ ⵏ ⵜⵉⵏⵏⴰⵢⵉⵏ ⵏ ⵜⵎⵓⵔⴰ ⴷ ⵉⵙⵓⴷⵙⵏ ;
6. ⵜⵉⵙⵔⴰⴳ ⵏ ⵓⵙⵓⵜⵜⵓ ⵏ ⵜⵖⴰⵡⵙⵉⵡⵉⵏ ⵏ ⵜⵊⵎⴰⵄⵜ.

ⵜⴰⵏⴰⴱⴰⴹⵜ ⵏ ⵜⵖⴰⵡⵙⵉⵡⵉⵏ ⵜⵓⵙⵍⵉⵏⵉⵏ

ⵜⵜⵓⵙⵎⵓⵔⵙ ⵙ :

• ⴰⵙⵖⴰ ;
• ⴰⵣⵏⵣⵉ ;
• ⵜⵉⴽⵙⴰⵡⵉⵏ ⴷ ⵜⵡⵙⵉⵢⵉⵏ ⵏ ⵜⵎⵓⵔⴰ ⵉ ⵜⵊⵎⴰⵄⵜ ;
• ⴰⵎⵙⵏⴼⵍ ;
• ⴰⴽⵔⴰⵔⵓ ;
• ⴰⵙⵡⵓⴷⴷⵓ ⵏ ⴰⴽⴽⵯ ⵜⵉⵡⵓⵔⵉⵡⵉⵏ ⵏ ⵜⵎⵓⵔⴰ ;
• ⴰⵙⵎⵉⵍ ⵏ ⵜⵎⵓⵔⴰ ;
• ⴰⴽⴽⴰⵙ ⵏ ⵜⵎⵓⵔⴰ ⵉ ⵓⵏⴼⵓⵙ ⴰⴳⴷⵓⴷⴰⵏ ;
• ⴰⵙⵙⵓⴷⵙ ⴷ ⵓⵙⵎⴰⵢⵏⵓ ⵏ ⵓⵙⵎⵉⵍ ⵏ ⵜⵖⴰⵡⵙⵉⵡⵉⵏ ⵜⵓⵙⵍⵉⵏⵉⵏ.

ⵜⴰⵏⴰⴱⴰⴹⵜ ⵏ ⵜⵖⴰⵡⵙⵉⵡⵉⵏ ⵜⵉⴳⴷⵓⴷⴰⵏⵉⵏ

ⵜⵜⵓⵙⵎⵓⵔⵙ ⵙ :

• ⴰⵙⵓⵜⵜⵓ ⴰⵙⵡⵓⴷⴷⴰⵙ ⵏ ⵜⵖⴰⵡⵙⵉⵡⵉⵏ ⵜⵉⴳⴷⵓⴷⴰⵏⵉⵏ ;
• ⴰⵙⵎⴰⵢⵏⵓ ⵏ ⵉⴱⵔⴷⴰⵏ ⴷ ⵉⵣⵏⴽⴰⴹ ;
• ⴰⵙⵓⵜⵜⵓ, ⴰⵙⵎⵙⴰⵙⴰ ⴷ ⵓⵙⵓⴼⵖ ⵏ ⵜⵖⴰⵡⵙⵉⵡⵉⵏ ⵙⴳ ⵜⵖⴰⵡⵙⵉⵡⵉⵏ ⵜⵉⴳⴷⵓⴷⴰⵏⵉⵏ ;
• ⴰⵙⴼⵙⵉ ⵏ ⵜⵙⵓⵜⵔⵉⵏ ⵏ ⵓⵙⵙⵎⵔⵙ ⵏ ⵜⵖⴰⵡⵙⵉⵡⵉⵏ ⵜⵉⴳⴷⵓⴷⴰⵏⵉⵏ ;
• ⴰⵙⵙⵓⴷⵙ ⴷ ⵓⵙⵎⴰⵢⵏⵓ ⵏ ⵓⵙⵎⵉⵍ ⵏ ⵜⵖⴰⵡⵙⵉⵡⵉⵏ ⵏ ⵜⵊⵎⴰⵄⵜ.

ⵜⴰⵏⴰⴱⴰⴹⵜ ⵏ ⵓⵙⵡⵓⴷⴷⵓ ⵏ ⵉⵎⵔⵙⴰⵍ ⵉⵊⵎⴰⵄⵉⵢⵏ

ⵜⵙⵡⵓⴷⴷⵓ ⵉⴽⵔⴰⵔⵓⵜⵏ ⴷ ⵜⵙⵙⵓⴷⵓⵙ ⵜⵉⵎⵙⴰⵙⴰⵜⵉⵏ ⵏ :

• ⵉⵙⵡⴰⵇ ⵉⵊⵎⴰⵄⵉⵢⵏ ;
• ⵉⵙⵡⴰⵇ ⵏ ⵓⵣⵏⵣⵉ ⵙ ⵓⵎⵓⵏ ;
• ⵉⵎⴳⵔⴰⵙ ;
• ⵉⵎⵓⴽⴰⵏ ⵏ ⵓⵣⵏⵣⵉ ⵏ ⵉⵎⵏⴷⵉ ;
• ⵜⵉⵎⵙⵙⵉⵔⵉⵏ ⵏ ⵜⴽⴰⵔⵓⵙⵉⵏ.

ⵜⵜⵓⵙⵎⵓⵔⵙ ⴷⴰⵖ ⵙ :

• ⴰⵙⵖⴷ ⵏ ⵓⴽⵔⴰⵔⵓ ⵏ ⴽⵔⴰ ⵏ ⵜⵃⴰⵏⵓⵜⵉⵏ ⵏ ⵜⵊⵎⴰⵄⵜ (ⵙⵙⵓⵇ ⴰⵏⴰⵎⵎⴰⵙ, ⵙⵙⵓⵇ ⵍⵃⵓⵕⵉⵢⴰ, ⴰⵎⴰⵙⵙ ⴰⵙⵖⴰⵔⴰⵏ ⵎⵄⵎⵓⵔⴰ…) ;
• ⴰⴽⵔⴰⵔⵓ ⵏ ⴽⵔⴰ ⵏ ⵜⵃⴰⵏⵓⵜⵉⵏ ⴳ ⵜⵎⵙⵙⵉⵔⵜ ⵏ ⵜⴽⴰⵔⵓⵙⵉⵏ ;
• ⴰⴽⵔⴰⵔⵓ ⵏ ⴽⵔⴰ ⵏ ⵜⵃⴰⵏⵓⵜⵉⵏ ⴳ ⵙⵙⵓⵇ ⵏ ⵓⵣⵏⵣⵉ ⵙ ⵓⵎⵓⵏ ⵏ ⵜⵉⴳⵎⵉⵎⵉⵏ ⴷ ⵜⵓⵔⵜⵉⵜ.